Davao City – Giklaro karon sa Department of the Interior and Local Government (DILG) nga anaa na sa kamot sa Securities and Exchange Commission (SEC) ang pag-desider kung unsay sunod nga lakang labot sa hisgutanang investment schemes.
Sa pakighinabi sa DXDC RMN Davao kang Alex Roldan, Regional Director sa DILG-XI, gibutyag niini nga nakahimo na sila og report subay sa reaksyon sa mga Local Government Units (LGUs) labot sa pag operate sa maong mga investment schemes sa ilang mga lugar.
“Kining consolidated report amo na ning ipadala didto sa central office aron ilang matunol ngadto sa Securities and Exchange Commission. Ug naa karon sa SEC ang paghimo og aksyon batok niadtong mga wala musunod sa ilang mando labi na sa Cease and Desist Order (CDO),” saysay ni Roldan.
Segun ni Roldan nga girason sa mga opisyal sa LGUs diin padayon pang naga operate ang mga investment companies nga gihatagan na og CDO mao nga aduna pay temporary restraining order mga gi-isyu ang korte. Samtang, dili pa usab sa klaro sa LGU kung sila ang gimanduan nga mupasirado sa maong mga kumpanya.
Samtang, giklaro sa DILG Regional Director nga kadtong mga investment schemes nga wala nahilakip sa CDO, aduna nay ginahimong profiling ang kapulisan sa mga tawo nga nalambigit niini ingon man sa nagpaluyo sa negosyo aron dali na lamang matudlo ang nahisgutan panahon nga adunay mahitabong problema sa maong iligal nga operasyon.
RadyoMaN Kirby Manzon
