Davao City – Nagpagula og direktiba ang Department of the Interior and Local Government Region (DILG-XI) ngadto sa mga Local Government Units (LGU) nga magmugna og ordinansa sa pagdili sa mga videoke ug uban pang mga makahatag og kabanha.
Sumala ni DILG XI Regional Director Alex Roldan atol sa interview sa DXDC RMN Davao, kini aron dili madisturbo ang pagtuon sa mga estudyante pinaagi sa blended learning system.
Gilaraw niini nga i-ban ang videoke sa weekdays o ting klase.
“Suggestion nako ilabina sa mga videoke ibutang nato na sa weekends. Dili na during school days kay ang mga bata magtuon man pod na inig kagabie kay naa man pud gihatag sa ilahang teachers,” sumala ni Roldan.
Matud ni Roldan, anaa na sa mga LGU’s or Barangays kung unsa ang mamahimong sanction o silot sa mga malapason.
RadyoMaN Aimee Guinita
