Siayan, ZDN-Gipaklaro ni Zamboanga del norte DILG Provincial Dir. Eng. Mario Baterna nga wala nila na silbi ang suspension batok kang Mayor Flora Villarosa human napasar ang gi panday nga resolusyon sa Sangguniang Panlalawigan niadtong Enero 11, 2019 aron suspendehon ang mayor sa Siayan, tungod kay naghatag na ug direktiba ang sekretarya sa DILG nga kinahanglan ang secretary ang mo silbi kun asa namugna ang mando usa ka pananglitan niini kinahanglan ang sekretarya sa Sangguniang panlalawigan ang mo silbi tungod kay didto kini gipanday nga resolusyon.
Gibutyag ni Eng. Baterna nga nagka storya sila ni VG Angeles ug gi silbi ang suspension pinaagi sa courier gani hangtod karon aduna pa gihapon deadlock tali ni Mayor Villarosa ug Vice Mayor Limbang tungod kay aduna kini tagsa-tagsa ka mga katarungan sa ilang matag habig sa gihimong suspension sa lalawigan.
Ang duha ka kampo gipapasa kini ug rason ngadto sa DILG aron maka desisyon ang central office sa DILG may kalabot sa maong problema, nakapasa na ang sangguniang panlalawigan pinaagi ni VG Angeles samtang napasa napud ang habig ni Mayor Flora pinaagi sa abogado niini.
Naglaom usab karon si Eng. Baterna nga maabot karong adlawa lunes, ang desisyon maykalabot sa deadlock sa Siayan tungod kay kinahanglan na nga maka desisyon ang DILG aron dili ma balda ang serbisyo sa municipalidad sa Siayan, mao ng hangtod karon wala pa gayud mahibaw-an kun si kinsa ang lehitimo nga mayor.
