Davao City – Walay rason nga mag-panic buying ang katawhan sa Davao tungod kay wala may nag-positibo sa Coronavirus Disease (COVID-19) ug dili mahutdan ug produkto ang syudad.
Sumala ni Davao City Second District Councilor Diosdado Mahipus Jr., ang dakbayan sa Davao daku nga syudad ug daghan og pundo, busa way rason nga mahutdan.
Samtang gipasabot usab ni Mahipus nga kabahin sa mga produkto nga nangahurot na sama sa health and hygiene items ug uban pa, wala lang sila ka pangandam sa kalit nga pagpamalit sa mga tawo nunot niining coronavirus.
Tungod niini, nanawagan ang konsehal ngadto sa katawhan sa Davao nga dili mag-panic kontra COVID-19 ug mag-ampo ngadto sa Ginoo.
RadyoMaN Bernard Pantallon
Facebook Comments
