Gipaboran ni City Councilor Romeo Calizo ang sugyot nga i-dili ang paggamit sa helmet sa mga motorista nga mag-drive sa ilang mga motorsiklo sulod sa mga kalye ning syudad sa Cagayan de Oro.
Kini nga pabor, gipadayag ni Calizo human gi-ambush sa riding in tandem si Police Supt. Michael John Deloso ug kagawad Jonathan Joseph Borja nga barangay kagawad sa barangay 3 ning syudad.
Matud ni Calizo nga gigamit lamang sa mga suspek nga maskara ang helmet aron tagoan ang ilang dagway sa ilang paghimo sa krimen.
Si Calizo, nga chairman sa committee on Police fire and Public Safety misugyot nga mas maayo unta kon dunay himoong brainstorming tali sa City ug mga police officials ning maong issue aron dili na ma-usab ang susamang insidente sa pag-ambush ni Deloso ug kagawad Borja nga gi-ambush sa riding in tandem.
