Davao City – Posibleng pahamtangan na og silot pinaagi sa multa kun penalty ang mga tao nga dili magsuot og face mask paglikay sa Coronavirus Disease 2019 (COVID-19).
Matud ni Davao City Mayor Sara Duterte-Carpio, nagbaton na kini og ‘discussion’ ug gitugyan niini sa Sangguniang Panlungsod (SP) ang paghimo og ordinansa nga musilot sa mga dili nagatuman sa maong ‘health protocol’ batok COVID-19.
Nasayran nga adunay mga nagagamit og face mask sa gawas apan ginatanggal kung musulod sa mga establisyemento rason nga kanunay’ng gipanawagan sa opisyal ang ka importante sa paggamit niini kanunay.
“Duna ‘mi discussion about the use of masks and the penalties nga kinahanglan na buhaton. We remind everyone nga the virus is everywhere and duna tay mga asymptomatic (patients),” tataw sa alkalde.
Gitataw sa mayor nga makahimo kini’g balaod apan walay penalties diin usa ka kini sa limitasyon sa iyang ‘lawmaking power’.
RadyoMaN Kirby Manzon
