Davao City- Dili phase out, kondi tinuod nga modernisasyon ang gikinahanglan karong panahona tungod sa kahimtang sa atong panakayanan sa nasod.
Sumala ni Southeastern Mindanao Diversified Drivers Operators and Cooperative (SEMDDOC) Chairman Maning Duran, usa sa makatabang sa kahuot sa trapiko mao ang gisugyot nga Mindanao Railway ni Presidente Rodrigo Duterte, tungod kay ang mga motoristang pribado dili na mogamit sa ilang sakyanan tungod kay mosakay na sila sa train aron dili matanggong sa trapik.
Samtang supak sila sa plano ni Davao City Mayor Inday Sara Duterte-Carpio nga mogamit na kita og bus isip panakayan sa publiko tungod kay makasamot lamang kini sa kahout sa trapiko. Matud ni Duran, kung mogamit man galing og bus, unahon una ang pagpadako ug pagbutang sa dugang kadalanan sa syudad sa Davao.
Gipasabot ni SEMDDOC Chairman Maning Duran, ang hisgutanang phase out dili makatabang sa mga gagmay’ng drivers ug operators sa publikong sakyanan tungod kay maglisud sila og bayad tungod sa kadako sa maong kantidad. Sugyot ni Duran mas maayong himoon na lang boluntaryo.
RadyoMan Bernard Pantallon
