Davao City – Mamahimo na nga makabalik sa operasyon ang dine-in services sa mga restaurants sa mga lugar ilawom sa General Community Quarantine (GCQ) sugod June 15, Lunes.
Matud kang Davao City Mayor Sara Duterte-Carpio, base kini sa Resolution No. 45 nga giisyu sa Inter-Agency Task Force on Emerging Infectious Diseases (IATF-EID).
“Ang atoang mga restaurants pwede sila mag open up to 30% sa ilang dine-in capacity sa area nila,” sumala sa mayor.
Sumala sa IATF, kinahanglang hugot nga tumanon sa mga restaurants ang health protocols sa pagpugong pagkaylap sa COVID-19 sama sa pagbutang og transparent dividers sa face-to-face seating, proper ventilation, 1 meter nga distansya sa mga lamesa ug adunay strikto ang pagpatuman sa sanitation ug hygiene.
RadyoMaN Aimee Guinita
