TACLOBAN CITY – Utro nga umapela an Diocese Of Borongan ha Estados Unidos nga ibalik an makasaysayan Nga Balangiga Bells ha Eastern Samar.
Sumala kan Fr. Neil Tenefrancia, Chancellor han Diocese Of Borongan, andam an Diocese Of Borongan nga makipag kooperar ha US agud maibalik na ha ira an Balangiga Bells nga ginkuha han mga amerikano nga sundalo, 117 na ka tuig an naglabay.
Naghihingyap naman hi Maida Elaba, Sekretarya han Sangguniang Bayan han Balangiga ngan apo ha tuhod han usa nga lider han mga Guerrilla dida han Sept 28, 1901, nga diri na pugngan han mga pira nga opisyal han US Government an pagbalik han Balangiga Bells.
Ha pagka-yana in naghuhulat pa an Malacañang han pormal nga komunikasyon tikang ha US Government nga maibabalik na gud man an mao nga kampana han Pilipinas matapos ginkompirma ngan ginsiguro ni US Embassy Spokesperson Molly Koscina an plano han US Department of Defense nga ibalik an Balangiga Bells, pero waray pa petsa kun san-o.
