Dipolog City Nanguna Sa 2015 Cities And Municipalities Competitiveness Index Sa Zampen

25

Garbo karon sa dakbayan sa Dipolog human ang dakbayan migawas nga TOP 1 sa Zamboanga Peninsula Component Cities category sa gipahigayon nga 2015 Cities and Municipalities Competitiveness Index (CMCI)  dili pa lang dugay. 

 

Si Dipolog City Mayor Evelyn T. Uy midawat sa CMCI 2015 Awards gikan kang Department of Trade and Industry (DTI) Regional Director ug Regional Competitiveness Committee 9 (RCC)  Chairperson Sitti Amina M. Jain, Ph.D.

 

Ang  pormal nga pagtunol sa award gipahigayon sulod sa buhatan sa mayor  ug gisaksihan nila ni  DTI Assistant Regional Director Engr. Noel Bazan, Zamboanga del Norte Provincial Director  Ceferino Rubia ug Engr. Victoriano Miranda.

 

Nasayran, nga ang CMCI gimugna sa National Competitiveness Council (NCC) isip sukdanan alang sa regional competitiveness  ug aron makadani ug dugang patigayon ug panginabuhian.

 

Dugang nasayran nga sa wala pa matukod ang CMCI ang mga lokal nga competitive indicators dili o wala’y sukdanan busa naglisud ang mga interesadong  kapitalista sa pagtandi ug pagsusi sa mga lain-laing lugar alang sa pagtukod ug negosyo.

 

Tumong  sa NCC nga mapalambo ang estado sa Pilipinas sa international ranking ug mo-uswag ang nasud gikan sa ika-tulo gikan sa ubos ngadto sa ikatulo gikan sa taas sa tuig 2016.

Facebook Comments