Director han Landbank, nangalas han "fake news" bahin han signatory han LAC ha mao nga bangko

TACLOBAN CITY – Ginpanhimuwa ni Landbank director Joel Caminade an mga litrato nga nagkalat ha social media upod hi Leyte Gov. Dominic Petilla ngan opisyal han Landbank nga may caption nga ginkilala daw han Landbank an pira nga personalidad nga gintudlok han Leyte Province kumo asignatories han mao nga bangko, ini in may paghisumpay ha issue han LMWD.

Sumala kan director Caminade, nakipagkita ngan nakig-istorya an Landbank kan Gov. Petilla tungod nga mayada mga proyekto an Landbank dinhi ha Region 8

“An purpose unta hadto nga picture is for our project dinhi sa Leyte kay mayada man gud kita special package nga ginhimo han Landbank tapos ako being taga Region 8 akon gin-priority ang Region 8…that is the main purpose nga kumadto ako kan Gov. Petilla para sa arrangement sa property.”


Dugang ni director Caminade, an pakig-istorya ni Gov. Petilla kan Landbank President Alex Buenaventura in para la han proyekto ngan waray na lain nga iba nga ira ginpaghimagrawan.

An litrato daw liwat mismo nga nagkalat in tikang adto ha iya nga ginkuha daw nga waray magsarit ngan nahikalasan na la daw hiya nga iba na an konteksto han litrato.

“Kun mayada kukuhaon nga picture nga diri imo, magsarit la tapos diri man unta ito problema. Iya gud ginsusurat didto nga more on LMWD issue nga baga different na hiya ha akon [post caption]. Akon la unta igyayakan sana nga whatever nga diri imo magsarit ka la diri man ito problema then istoryaha anay hin maupay, ang truth lang kay an problema naton yana is ang mga fake fake news.”

Facebook Comments