Moabot sa1, 916 ka mga dili lesensyado ug walay mga papeles nga mga armas ang narekober sa kapulisan sukad niadtong Enero 1, 2018 hangtod Abril 1, 2019. Gipahugtan sa PNP ang ilang kampanyas aron dili kini magamit sa nagsingabot nga piniliay karong Mayo 13, 2019.
Gibutyag ni PRO9 Director Police Brigadier General Emmanuel Luis D Licup, sa 1, 916 ka mga armas nga ilang nakuha, 517 ang nakuha pinaagi sa Search warrant ug mga police operation batok sa mga dili awtorisadong indibidwal, samtang 1, 399 ka mga armas ang gitahan ngadto sa pulis gikan sa mga pribadong indibidwal, mga barangay officials ug mga lokal nga kandidato nga paso ug wala na renew nga lisensya.
Gi dugang ni Police Brigadier General Licup, ang mga armas nga ilang nakuha posible pa kadtong magamit sa mga krimen nga may kalabutan sa election-related violence karong Midterm election sa mayo 9, 2019
Nanawagan karon si Licup ngadto sa mga indibiwal ug mga brgy. officials, lokal nga kandidato nga dili lesensyado ug paso na ang lisensya sa ilang mga armas kinahanglan i tahan ang ilang armas sa buhatan sa kapulisan kay kun dili, posible nga mag atubang ug kaso.
Gi manduan sab sa PRO9 director ang tanang kapulisan ning rehiyon 9 nga aktibo gayud batok sa ka tawo nga naghupot ug ihalas nga armas.
