Kinaldero nga kan-on ug buwad ang gisaw-an sa paniudto sa nagpicket-rally nga mga sakop sa Pinagkaisang Samahan ng mga Tsuper at Operator Nationwide o Piston-Cebu kauban ang director sa Land Transportation Franchising and Regulatory Board-7 nga si Ahmed Cuizon .
Matud ni Cuizon nga nahingawa siyang nagtan-aw sa mga sakop sa Piston ilabi na ang niuban nga mga babaye gikan sa grupong Kadamay ug Bayan hinungdan nga iyang gipagawas ang mga lingkuranan sa ilang buhatan aron ilang malingkuran .
Apan tayming nga padung nang maniudto ang mga raliyista ug ilang giagda si Cuizon nga maniudto sa ilang gida nga kan-on ug buwad ug wa usab kini mobalibad ug nakigsawo sa mga nagrally.
Samtang naniudto nakahigayon hinoon ang mga taga-Piston sa pagpakigdayalogo ni Cuizon diin ilang gipaabot ang ilang mga kabalaka sa PUV modernization program sa gobyerno .
Nagpasalamat si Cuizon sa mga taga Piston nga wa modayon sa ilang transport strike inay gipaagi ug dayalogo ang ilang mga yangongo ngadto sa LTFRB-7.
