Davao City – Nagkinahanglan pa sa dugang panahon aron ma-improbar ang presenteng kahibalo sa katawhan sa angay himoong aksyon isip pagresponde panahon sa nagkadaiyang mga kalamidad.
Sumala ni Rodrigo Bustillo, City Disaster Risk Reduction & Management Council (CDRRMC) Operations Chief, aduna nay kausaban kung itandi kaniadto ang ilang kahibalo tungod sa kanunay nga paghimo sa mga programa ug aktibidad kabahin sa disaster preparedness batok sa tsunami, earthquake drills ug uban pa diha sa mga eskwelahan, establisimyento-komersyal ug kabarangayan.
“Given those scenarios, nakatabang gyud ug dako sa mga tawo nga madugangan (ang) ilang kahibalo (diha) sa pagresponde sa atong mga advisories,” matud niini.
Gitataw usab ni Bustillo nga ang padayong paghimo sa mga emergency drills ug paghatag sa ensaktong I,pormasyon gamit ang mga modernong teknolohiya daku kaayong tabang aron sila masayud sa ilang hustong pagahimoon sa higayon nga adunay katalagman nga mahitabo.
RadyoMaN Bernard Pantallon
