Davao City – Mas gipalig-on pa karon sa ahensya sa gobyerno ang pagpatuman sa guidelines kun balaud sa pagbutang sa mga Local Government Units kun LGUs og mga evacuation centers sa ilang nagkadaiyang lugar.
Sumala ni Department of Interior and Local Government (DILG) XI Regional Director Alex Roldan, nagpursige ug naghimo sila og guidelines alang ngadto sa LGUs bahin sa pagpatukod og mga kumpletong pasilidad nga kasilungan sa mga residente ugaling adunay mu-igo nga kalamidad ug dili lang kadtong centers nga ginagamit sa mga tulunghaan apan gitataw sa director nga dili pa maingon sa karon nga andam dayon sa pagresponde ang rehiyon og adunay muhapak nga katalagman sama nalang sa nahitabo sa Luzon area nga nakasinati og grabeng pagbaha.
Gipasabot usab niini nga dili lang pas-an sa gobyerno ang pagpangandam kundi sa kanunay ang komunidad adunay partisipasyon pinaagi sa koordinasyon.
Hinaut usab sa director nga mahatagan og pagtagad sa kadagkuan ang pagpangandam ugaling adunay trahedya ug emerhensiya.
“Usahay masakit ko sa kadagkuan tungod dili kaayo ginahatagan og dagkong pagatagad puro nalang pork barrel ug basketball court ilabi na sa mga congressmen, wala kaayo mataga-i og dako kaayo nga focus nga unsaon mapalihok ang katawhan sa panahon nga naay disaster”, segun ni Roldan.
RadyoMaN Renz Barbarona
