Davao City – Gidayeg sa delegasyon sa San Pedro City, Laguna ang modernong kagamitan pangkalamidad ug ang ka-andam sa Davao City diha sa hisgutanang disaster preparedness.
Gibutyag ni San Pedro City Laguna Councilor Marky Oliveros nga atol sa ilang pagsuroy sa Central 911, gipakita ngadto kanila ang mga modernong kagamitan pang-rescue, ambulance, siren, monitoring system, firetruck nga iya sa syudad, ug daghan pang uban kung asa mismo si Central 911 Head Alfredo Baluran ang naghatag og edukasyon labot sa mga assets mga ilang mga nakita.
Gilaraw karon ni Councilor Oliveros, sa ilang pagbalik sa ilang syudad gilayon kining magpanday og ordinansa aron ilang makopya ang mga programa sa dakbayan nga ilang nakat-onan ilabi na ang pagbaton og kaugalingong Central 911, diin ang Davao City pa lang ang aduna niini sa entero nasod.
RadyoMaN Joel Viray
Facebook Comments
