Nadiskubri karon ang Philippine Drug Enforcement Agency-7 nga ang disco bar diin usa sa nanag-iya mao ang nakontrobersiyal nga negosyante nga si Kenneth Dong, gihimo usab diay nga lugar alang sa pagpamaligya ug ilegal nga drugas .
Ang direktor sa PDEA-7 nga si Yogi Filemon Ruiz nibutyag nga mao kini ang ilang nasayran , sa gihimo nga imbistigasyon subay sa mando sa ilang central office sa pagsurveillance sa LIV Super Club ug ubang negosyo ni Dong ,human kini nalambigit sa P6.4 bilyon nga shabu shipment gikan sa China .
Apan gitataw ni Ruiz nga way kalambigitan si Dong sa nabutyag nga pagpamaligya ug ilegal nga druga sama sa shabu og ecstacy sud sa maong disco bar.
Matud ni Ruiz , ang transaksiyon mahitabo tali sa mga adunahang customer nga adto mag abot-abot sa maong disco bar .
