Nagsugod na sa pag implemintar ang LTFRB-10 kun Land Transportation Franchising and Regulatory Board sa Memorandum Circular no. 2017-024 nga maghatag sa mga estudyante ug diskwentro(discount) sa pletehan bisan pa man kung weekends ug holidays sugod kagahapong adlawa.
Matud pa ni LTFRB-10 Regional Director Aminodin Guro nga nahatag na nila ang order sa tanang public utility vehicle sa tibook rehiyon aron i-impliment na ang Oct.11 Memorandum Circular nga gipagawas ni LTFRB chairman Atty. Martin Delgra III.
Adunay 20% karon nga discount nga makuha ang mga estudyante gikan Lunes hangtud Domingo apil na ang summer breaks, legal ug special holidays. Gikinahanglan lang nga ipakita sa mga estudyante ang ilang school I.D.s kung mosakay sila aron malikayan ang dili pagsinabtanay.
Hinoon para lang kini sa mga undergraduate level sama sa elementary, high school ug college. Kinahanglan nga mobayad ug full ang mga post graduate students sama sa mga nagskwela ug medicine, law ug apil na ang mga nag masteral ug doctorate degrees.
Niuyon usab niini ang Starex-Piston ug nga matud pa sa ilang secretary general nga si Ringo Lago, sundon nila ang order sa LTRFB central office Manila gumikan kay halos sa mga estudyante ang ginasuportahan pa lamang usab sa ilang mga ginikanan.
Good news kini mga idol. Maayo nalang ni kaysa wala diba? Petmalu!
