DISGRASYA SA DALANON| Apat patay matapos nagbunggu-anay ang duha ka motorsiklo sa Nueva Valencia, Guimaras

Apat ang patay matapos nagbunggu-anay ang duha ka motorsiklo sa Concordia Sur, Nueva Valencia , Guimaras kagab-i, Mayo 19.

Suno kay Police Staff Sergeant Rey James Gallego sang Nueva Valencia PNP, naglapaw sa pihak nga linya ang Yamaha 150 nga motorsiklo nga ginamanehar ni Alvin Gamlaga, 18 anyos sang Poblacion , Nueva Valencia nga may backrider nga si Jomarie Trono, 18 anyos rason nga nagbunggo sa nasugata sini nga motorsiklo nga Kawasaki LX150 nga ginamanehar ni John Castor , 21 anyos sang Katipunan, Tapaz, Capiz kay may backrider nga isa ka menor de edad .

Gindala pa sa hospital ang mga biktima apang ginbawian gid ang mga ini sang kabuhi.


(photo from the web)

Facebook Comments