Dipolog City – Dead on arrival sa tambalanan sa ang usa ka ginang dihang nadisgrasya ang gisakyan niining single motor human nakadasmag ug iro sa may national highway Barangay Galas dakbayan sa Dipolog, nahitabo niadtong Martes, bandang alas 8:50 sa buntag
Ang ginang nga nakabsan sa iyang kinabuhi naila nga si Jocelyn Rizo Elopre, 61 anyos, minyo ug nagpuyo sa relocation site, Brgy. Olingan sakop ning dakbayan.
Subay sa gihimong imbistigasyon ni PO2 Norman Fuentes, sa traffic division sa Dipolog PNP, nasayran ang nasampit nga ginang sakay sa usa ka honda xrm kolor itom ug puti kombiniyon nga gidrayban ni Lando Gumalap, 36 anyos, silingan niini, nagbiyahe sa national highway, apan pag-abot nila sa Brgy. Galas, aksindente nga naligsan ang nilabang nga iro hinongdan sa pagkasirko balintong sa motor.
Ang drayber nakahiagon ug minor injuries samtang ang maong ginang maoy nangarabihan dihang nadakdak sa samentadong karsada ug nawad-an sa panimuot.
Gilayon gihatud sa Corazon C. Aquino Hospital ang ginang apan way swerte dihang gideklarar nga dead on arrival ni Dr. Francisco Legaspi II, gumikan sa traumatic shock secondary due vehicular accident.
(photo courtesy : (Emz Ello)
