Sa interview sa DXDC RMN Davao kang Maj. Ricky Obenza, Station Commander sa Calinan Police Station gisulti niini nga tubagon sa tag-iya sa maong sakyanan ang galastuhon alang sa pagpahiluna sa biktima nailang si Celso Brigoli Preglo,71 anyos,balo, residente sa Purok 21, San Roque, Calinan ning dakbayan.
Gipaklaro ni Obenza nga dili hit-and-run ang nahitabo sa biktima diin nabanggaan sa maong sakyanan sa kakusog sa impact natumba ang biktima sa semento nga bahin og nakaangkon og mga samad sa iyang lawas.
Kahinumduman nga ang biktima midagan ug mitabok sa pedestrian lane gikan sa wala nga bahin paingon sa tuo sa may Bukidnon Highway duol sa Sonrier Inn sa Purok 21, San Roque, Calinan diin aksidente nga natapsingan sa maong sakyanan ang biktima kinsa daling gidala sa Southern Philippines Medical Center (SPMC) apan gideklara sa attending physician nga dead on arrival na kini.
RadyoMaN Don Pulayao
