Bien disgustao el maga motorista enantes con el manera ta conduci con el checkpoint el maga soldao Marino na Divisoria este despues monton el ya atrasa na diila cada-y-cual trabaho y destinacion el maga vivientes ta sale na costa este del ciudad.
Masquin afavor man na mantension del seguridad na ciudad pero ta pidi tamen el maga vivientes unpoko de consideracion con el maga soldao si puede lihero ase el chequiada.
Tiene motorista ya experiencia mas de un hora antede puede travesa na checkpoint y tiene serca dos hora pa.
Visible tambien otro el tratamiento del maga soldao con el maga vejiculo de rico donde hinde estos ta manda tarda para y dayun sila manda corre despues lang man tica pa adentro.
Facebook Comments
