Davao City – Usa sa mabasol karon sa paglipang sa kriminalidad sa komunidad mao ang pagpasagad sa mga ginikanan ngadto sa ilang anak nga wala madisiplina, partikularmente sa mga menor de edad.
Sumala ni Lizada Toril Barangay Kapitan Remegio Licera, sa ilang barangay kasagaran sa naghimo sa krimen mga menor de edad tungod kay dili sila mapasakaan og kaso.
Giingon ni Licera sa iyang barangay kasagaran nga nagahitabo mao ang riot sa mga menor de edad, hinungdang iyang ginapabantayan sa iyang mga barangay police ilabina kung magtapok-tapok na iya kining ginapapauli aron malikayan ang engkwentro sa mga gang. Wala usab gilimod sa kapitan nga naa gihapon ang droga apan dili na kaayo tungod sa hugot nga kampanya sa gobyerno.
Giklaro sa kapitan sa Lizada Toril nga ang nakitang suliran kung nganong dunay krimen tungod usab sa batasan sa tawo nga dili magbag-o.
RayoMaN Bernard Pantallon
