DISIPLINA SA KAUGALINGON, USA SA PAMAAGI ARON MABATOKAN COVID 19

23

General Santos City–Kinahanglan nga magpatuman ug kaugalingong preventive measures ang katawhan hilabina nga aduna nay local transmission ang Gensan.

Sumala kang Dr. Lobert Padua, Infectious Disease Expert sa Rehiyon 12 nga kanunay nga magdala ug alcohol ug mga sanitizer ug subay sa EO 42 ni Mayor Rivera, kinahanglan nga magsul-ob ug faceshield ug facemask.

Hangyu niini nga kung adunay mga nasinatiang simtomas sa covid, gilayong magpakonsulta sa doktor apan kinahanglan nga manawag daan aron usab nga kung magpositibo man sa virus, dili matakdan ang mga Doktor.

Dugang pamahayag ni Dr. Padua nga sa susamang sitwasyon ang disiplina sa kaugalingon maoy nag-unang pamaagi aron maprotektahan batok sa covid 19.

Mas maayo matud pa nga himuong batasan ang kanunay nga paghugas sa kamot ug magpondo sa balay kung walay importanteng lakaw o kung makahulat ang trabaho gawas sa balay.

Tungod sa karon, dili na mabal-an kung si kinsa ang nagdala sa virus.(LVR)

Facebook Comments