Davao City – Giklaro karon sa City Transport and Traffic Management Office (CTTMO) nga walay nagtugot or nagdili ba kaha sa mga dispatchers diha sa nagkadaiyang kadalanan sa syudad sa Davao.
Sumala ni CTTMO Chief Dionisio Abude, bugtong gihimo lamang niya niini kaniadto sa iyang paglingkod isip hepe sa maong buhatan nga iyang gipatawag ang tanang barkers ug gi-estorya nga dili magpabadlong tungod kay makadaut kini sa imahe sa syudad.
Dugang ni Abude, gikinahanglan nga walay samok ug walay magreklamo samtang sila gitugtan kun gi-tolerate diha sa kadalanan.
Gitataw sa hepe sa CTTMO nga dili mamahimong dakpon ang mga street barkers kung walay pormal nga magreklamo diin mahimo lamang kini kun sila nakahimo na sa usaka krimen kun salaud sa katilingban.
RadyoMaN Bernard Pantallon
