Davao City- Gibutyag sa Commission on Elections (COMELEC) nga posibleng muabot pa sa ihap nga 1,000 ang mga kandidatong muatubang sa diskwalipikasyon kinsa wala nisunod sa mandato nga gipanday sa COMELEC subay sa umaabot ng Barangay and Sanguniang Kabataan Elections (BSKE) 2023.
Miabot na sa kapin 3,000 ka mga kandidato ang nahatagan og show cause order diin kahinumdoman nga 35 kanila gipasakahan na og disqualification case tungod sa premature campaigning base sa reklamong nadawat sa buhatan ug sa mga nakitang campaign videos online.
Sa Davao Region, lauman nga bag-o mag eleksyon karong October 30 ipagula na sa opisina kung pipila katong mga kandidatong pakyas sa pagsunod sa guidelines sa BSKE 2023.
Sa pagkakaron, padayon pang gina-monitor sa COMELEC XI ang mga kandidato ug supporters aron masiguro nga mamahimong hapsay ang umaabot nga piniliay.
RadyoMan Ivy Parido
Facebook Comments
