Davao City – Gikinahanglang sabton sa katawhan ang mga ginahimo karon sa gobyerno kontra COVID-19, ilabi na kining district clustering mechanism alang sa syudad sa Davao.
Sumala ni Arthur Milan, kanhi Davao City Chamber of Commerce and Industry Inc. (DCCCII) President, suportahan nato ang maong control measure tungod kay gipatuman kini alang sa kaayohan sa kadaghanan aron mapugngan ang padayong pagkuyanap sa nasangpit nga virus.
Matud ni Milan, ang tumong sa district clustering mao ang pag-kontrolar o pag-limite sa paggawas sa mga tawo sa balay aron dili magtapok diha sa mga palengke tungod kay dali ra kaayong motakod ang kagaw sa higayong adunay daghang managtapok nga mga tawo.
Gipasabot usab ni Milan nga aron maundang ug mawala na ang COVID-19, gikinahanglang sundon ang mga new guidelines karon.
RadyoMaN Bernard Pantallon
