Dito Telco, binugtak; Saritaan maipanggep ti pinansial ken seguridad iti makinkukua kadaytoy a kompanya, pina-urnos!

iFM Laoag – Bayat nga agsagsagana ti Dito Telecommunity iti pannakaipatakder ti ‘commercial operation’ intuno Lunes, March 8, 2021, agtultuloy iti sangsangoenna a parikot maipanggep ti seguridad nga adda pakainaigan ti makin-kukua a ‘China Telecom’, karaman ti isyu pinansial gapu ta kabbaro daytoy dakkel ti puonanna ken sobra a panagkumpitensya.

Itay kallabes, innanugot ni Dito Chief Technology officer Rodolfo Santiago, a saan a kimmita ti kompaniada ti umuna a dua a tawen ti operasion iti nasao nga ‘long-term investment’ nga aggatad ti P226 billion a pesos.

Mangruginto ti opersion ti Dito intuno Marso 8, iti nagduduma a lugar iti Visayas ken Mindanao ket sumarunonto iti nagduduma met a lugar iti Metro Manila ken Luzon, ngem atapen ti kaadoan, inranta ti Dito nga iti Visayas ken Mindanao ti immuna a nangrugian ti operasion imbes nga iti National Capital Region nga adu iti maikkanna iti serbisio tapnu saan a maibutaktak ti kinakapsotda.


Iti pannakalugina daytoy iti imuna a dua a tawen ti operasion, mas lalo nga immadu dagiti madandanagan ti kabaelanna maipanggep pinansial ti Dito, lumallalo nga innanugot daytoy ni Dito Chief Administrative officer Adel Tamano, nga adda 70-30 a pursiento ti utang ti kompania, nu sadino ummabot iti P20 billion ti equity ken adda pay P150 billion nga utang ken ‘advances’ ti ‘shareholder’ iti inisial a rollout iti daytoy a tawen.

Daytoy ti gapuna a kwinestunaran ni Senate Committee on Public Service Chairperson, Senator Grace Poe iti pinansiala a kabaelan ti Dito.

Segun ken ni Sen. Poe, kalikagomna a maammoan nu paggapoan ti capital ni Dito nangnangruna nga immabot daytoy iti nasurok P250 billion ti pakabuklan iti inkarida, ngem adda paylaeng ti P20 billion ti inruarda a capital ken umabot pay ti P150 billion a nagastosda wenu capital expenditures.

Kabayatanna kalpasan ti commercial rollout, binultak met ni Senator Risa Hontiveros iti National Security Council (NSC) a dagus a mangisayangkat ti security audit iti China-backed Dito Telecommunity gapu ti amak a maaddaan ti “directly report” wenu pangipulong daytoy iti Chinese government.

Iti panakadenggeg iti Senado, inikkan importansia ni Hontiveros a ti Chinatel nga addaan iti 40% stake iti Dito a 100 a porsiento a kukua daytoy iti Chinese state ket kasapolan a maaddaan ti security audit nangnangruna ta kabaelanna daytoy a serreken ti seguridad ti pagilian.

Kanikagom daytoy ni Sen. Hontiveros iti NSC, gapu iti technical capabilities wenu kabaelan ti Dito, awanan pay ti cyber defense doctrine a mangprotektar iti pagilian kontra ti cyberattacks.

Malagip nga imun-una nga insardeng ti New York Stock Exchange ti tradingda iti nagbaetan ti China Telecom, China Mobile ken China Unicom a mandar ni dati a US President Donald Trump ti pannakai-ban iti Amerika dagiti isu amin a negosio a kontrolado ti Chinese military gapu ti pangta ti seguridad. (BBV/RMN News)

Facebook Comments