Davao City – Subay sa initial nga imbestigasyon sa kapulisan sa pagpanguna ni Police Master Sargent Ramel Boyano, Maa Police Station Traffic Investigator, ang hinungdan sa disgrasya sa karambola sa tulo ka sakyanan ug usa ka single motorcycle tungod matud pa gi-ataki sa mild stroke ang driver sa Honda Mini Van nga si Joel Asis, taga-Catalunan Pequeño, nahitabo alas 8:20 sa buntag (Nobyembre 10, 2022) sa Gap Farm Resort, Carlos P. Garcia Highway, Diversion Road, Davao City.
Sumala ni Boyano, ang motorsiklo nga gimaneho ni Rainer Patayon ug Mini Van gikan sa Ulas padulong sa Maa samtang ang Suzuki Van gidrayban ni Edsel Abenoja, taga-Catalunan Pequeño ug Isuzu Dmax Pick up nga gimaneho ni Nathaniel Roque padulong sa Ulas, apan pag-abot sa maong lugar wa makontrola sa driver sa Honda Mini Van tungod kay gi-ataki kini nga miresulta sa pagkadisgrasya og gibanggaan ang duha ka sakyanan apil ang motor.
Sa pagkakaron padayong gitambalan ang mga nangaangol sa Southern Philippines Medical Center (SPMC) sila Princess Errol Delos Santos, taga-Catalunan Grande back rider sa motor, Lilia Guisongan pasahero sa Zusuki Van, ug alyas Cristy ang pasahero sa Isuzu Dimax pick up ug driver sa motor.
RadyoMaN Don Pulayao
Facebook Comments
