Igalunsar sang South Cotabato Division Office ang Brigada Eskwela sini sa Banga Cental Elementary School base sa ila nakasugtan, suno kay Schools Division Superintendent Isagani dela Cruz.
Kadungan sini magapatigayon man sang brigada eskwela ang mga eskwelahan dire sa probinsya sang South Cotabato kag may-yara naman suno pa sang istratehiya ang mga ini kon paano makakuha sang resources kag stakeholders nga magbulig.
May-angot sini, ginaawhag ni Sir Dela Cruz ang mga estudyante,ginikanan, mga education stakeholders nga magpartisipar sa nasambit nga National Schools Maintenance Week.
Paagi sa Brigada Eskwela iduso man sang DepEd ang ‘Rabies Awareness and Prevention’ sa school community, partikular na sa mga manunudlo, ginikanan kag mga estudyante.
Katuyuan sang Brigada Eskwela nga masiguro nga plastado ang tanan sa pag-abri sang klase sa Hunyo 3 paagi sa pagpanglimpyo sa palibot kag pagrepair sang mga gamit kag pasilidad sa eskwelahan.
