Davao City – Giila gihapon nga sagrado ang kaminyoon diin ang magtrato kinsa makahukom magpakasal ingon man manumpa sa balaud sa yuta ug labaw sa tanan atubangan sa Dios aron mahimo silang usa isip magtiayon.
Matud ni Inoresa Elanto sa Mindanao Migrant Center for Women Empowerment, ang pagguba sa kaminyoon pinaagi sa pagbulag sa mag-asawa gamit ang Divorce Law dili maayong dungog alang sa Pilipinas nga giilang Kristiyano nga nasud sa tibuok Asya.
Dugang ni Elanto, sagrado ang gihiusa atubangan sa Dios diin dili kini mamahimong bungkagon pinaagi lamang sa ‘dissolution of marriag ubos sa Absolute Divorce Law nga gipanday sa kongreso karon.
Butyag pa ni ni Elanto nga dili gayod malikayan ang dili pagsinabtanay sa mag-asawa dala sa managlahi nga personalidad ug kinaiya tungod sa mga isyu sa pamuyo sama sa hisgotanang panalapi apan wala nagpasabot nga buwagon na lamang sila sa hingpit.
Segun ni Elanto, ang matag problema nga mutomaw sa kaminyoon adunay kasulbaran basta ipaagi sa malinawon nga panag-istoryahanay apan ang pagseparar kanila magpromotar lamang sa paggun-ob sa gambalay sa kaminyoon.
Dugang pa ni Elanto, magsabwag lamang og dakung negatibong epekto sa kinabuhi sa mga kabataan ang Divorce Law busa supak kini nga bungkagon ang pundasyon sa magtiayon inay mas angay pa man ganing ipreserba ug palig-onon ang pamilyang Pilipino imbes nga bulagon ang duruha.
RadyoMaN Joel Viray
