DJ sa radyo dakpan sa Buy Bust Operation

44

Molave, Zamboanga del Sur – Imbes announcer’s booth ang sudlan prisohan na hinoon ang bag-ong pinuy-anan sa usa ka DJ sa Radio human nadakpan sa Buy Bust Operation sa National Highway, Brgy. Culo, Molave, Zamboanga del Sur.
Nag-ipon og pwersa ang tropa sa Molave PNP ug Provincial Intelligence Unit dihang gikasa ang operasyon diin target si Bernard Cris Jubay Vizarra, 33-anyos, ulitawo ug DJ sa 99.5 FM nga didto nagsibya sa lungsod sa Molave, Zamboanga del Sur.
Nakuha sa posisyon sa dinakpan ang tulo ka pakite sa gituohang illegal nga droga nga gibana-banang mokantidad sa 1,301 sa pesos. Nahipos usab gikan kaniya ang 1000 nga buy bust money ug uban pang illegal drugs paraphernalia. Kasong paglapas sa Akta Republika 9165 kun Comprehensive Dangerous Drugs Act of 2002 ang giatubang karon sa dinakpan.

Facebook Comments