Davao City- Bisan pa man gideklarang special non-working holidays subay sa pagobserba sa paghandum sa kalag-kalag sugod karong adlawa kutob ugma, Nobyembre 1, abri gihapon ang Davao Light and Power Company’s customer services.
Kini ang gibutyag ni Corporate Communication Officer sa DLPC nga si Ross Luga atol sa interview sa DXDC RMN Davao diin ang full service centers anaa sa usa ka mall sa Lanang ug Ecoland ning syudad sa Davao ug nagadawat og bayad ug customer services gikan alas 10 sa buntag kutob alas 7 sa gabii.
Kaganina, abri usab ang Panabo office customer service alas 8:00 sa buntag kutob alas 5:00 sa hapon samtang payment service niini magsugod alas 7:00 sa buntag kutob alas 5 sa hapon.
Samtang sa Toril ug Calinan payment offices, abri kini gikan alas 8:00 sa buntag kutob ala 1:30 sa hapon apan sa Sto. Tomas nga payment office, sirado sa Oktubre 31 ug Nobyembre 1.
Alang sa dugang mga pangutana, mamahimong mutawag lang sa 24/7 hotline Davao Light Call Center Service 229-(3572).
Gani nagpahinumdom si Luga sa mga safety tips ngadto sa mga konsumante aron malikay sa mga insidente sama sa sunog.
Sa pikas bahin, sirado ang Davao City Water District payment services ug customer service karong adlawa kutob ugmang adlawa ug mag-resume karong Nobyembre 2.
Pahinumdom usab sa DCWD nga dunay matigayong water service interruption sa Nobyembre 2 sa Brgy. Daliao Toril ning syudad.
Pito ka oras nga walay supply sa tubig ang maong lugar sugod alas 9 kutob alas 4 sa hapon diin tungod kini sa pagatauron nga pipeline.
Alang sa dugang mga pangutana mamahimong mutawag lang sa DCWDs 24 hour hotline 297-3293.
RadyoMaN Renz Barbarona
