Davao City – Nangayo og dispensa ang Davao Light and Power Company, Inc. kun DLPC human naapektuhan karon ang ilang serbisyo tungod sa miulbo nga sunog sa ilang Data Center, Administration Office nga nahimutang sa Bangoy Street, kanhi Ponciano Reyes nga dalan dinhi sa syudad sa Davao.
Base usab official post sa DLPC sa ilang facebook, daling miresponde ang mga personahe sa Davao Light sa maong sitwasyon ug nagpakitabang sa Bureau of Fire Protection kun BFP ug Davao City 911 diin matud pa ang sunog nasuggod bandang alas 9 sa buntag kagahapong adlawa ug gideklarang fire out sa kabomberohan alas 10:30 na sa buntag sa susama nga dlaw.
Naghimona og imbestigasyon ang BFP kabahin sa maong insidente aron masuta og unsay hinungdan diin migula nga 50-mil ka pesos ang damyos niini hinuon walay natalang casualty sa maong sunog.
Sa karon, temporaryong naundang usa ang Call Center nga 229-3572 sumala kang Rodger Velasco, EVP ug COO sa Davao Light, padayon ang ilang emergency services.
Dugang ni Velasco, alang sa mga pangutana o kung buot silang i-contact, mamahimong muadto lang sa ilang facebook ug twitter official page samtang padayong ginatrabaho karon ang pagbalik sa normal sa ilang serbisyo.
Gani lauman usab sa mga konsumante nga dunay paglangan sa serbisyo ilabina sa ilang customer services sa malls ug Panabo branch sama sa bill payments, complaints ug payments tungod manual una kini iproseso.
RadyoMaN Renz Barbarona
