Davao City – Adunay pagpaklaro karon ang Davao Light and Power Company kun DLPC bahin sa programa nga libre ang kuryente sa mga ‘poor customers’ nga dunay electricity consumption nga less than 50 kilowatts per hour gikan March hangtod April 2020 subay sa ginaunsyo sa inter-agency task force on COVID-19 response.
Sa pakighinabi sa DXDC RMN Davao kang Ross Luga, Corporate Communications Officer sa DLPC, giingon niini nga wala pay guidelines ang DLPC bahin niini.
“I have no guidelines yet on this. Basin applicable ni siya sa Electric Coops as stated above “…The program is under the Pantawid Liwanag initiative of the Philippine Rural Electric Cooperatives Association, Inc. (PHILRECA)… Kaso ang Davao Light dili classified as electric Coop,” segun ni Luga.
Subay kini sa pangutana sa mga konsumante sa Davao City og lakip ba niini ang mga konsumante sa DLPC diin usa sa mga nangutana pinaagi sa DXDC 621 RMN Davao FB page si alyas KZ nga taga Buhangin ning syudad.
Hinuon gisaysay ni Luga nga ang DLPC dugay na nila gina-implementa ang ‘lifeline subsidy discount’ pasabot nga ang mga customers sakop sa marginalized sector nga dunay energy consumption nga 100 kilowatts per hour and below, maka-avail og discount sa ilang bayrunon.
Matud pa nga ang mga dunay energy consumption nga 0-20 kilowatts per hour, dunay 100 % nga discount, ang dunay energy consumption 21-35 kilowatts per hour – 50 % discount samtang 36-40 kilowatts per hour – 45 % ang discount.
RadyoMaN Renz Barbarona
