Davao City- Padayon ang pakig-alayon sa Department of Migrant Workers (DMW) sa tanang ahensya sa gobyerno sama sa Department of Foreign Affairs (DFA), Overseas Workers Welfare Administration (OWWA) Embahada sa Tel Aviv, Israel, ug Jordan aron daling mapauli ang patay’ng lawas sa mga Pilipinong nadamay ug nakabsan og kinabuhi sa nagapadayong gubat sa Hamas ug Israel.
Nagpaabot ang DMW gahapong adlawa, October 11, 2023 sa ilang pahasubo sa pamilya ug kabanay sa mga biktima ug base sa ilang gipagulang pamahayag, paningkamutan nila nga matabangan ang ang mga Pilipinong napagan sa maong gyera.
Sa ulahing report, duha na ang kumpirmadong patay nga mao ang 33-anyos nga babaeng taga Pangasinan ug 42-anyos nga lalaking taga Pampanga kinsa parehong namatay sa unang adlaw sa pagpangatake sa mga terorista.
Sa pagkakaron, padayon pang giimbestigahan ang laing patay’ng lawas nga nakaplagan nga gituohang Pilipino ug nangamdam na sab ang mga ahensya sa Pilipinas kung ugaling aduna pa’y laing injured, missing o casualty nga mga OFW.
RadyoMaN Ivy Parido
Facebook Comments
