Padayong giila karon sa Maramag Municipal Police Station ang tulo ka mga suspetsadong armado nga mitulis sa Doc Alternatibo Office sa North Poblacion sa nasangpit nga lugar, Sabado sa udto.
Matud ni Major Gil Agpaoa, ang Hepe sa Maramag Police nga nahitabo ang insidente alas 12 sa udto samtang nagpahigayon og seminar ang doctor kabahin sa tambal.
Dugang pa ni Major Agpaoa, nga kalit misulod sa opisina ang tulo ka mga suspetsado suot ang kalo ug maskara dayung mideklara og tulis.
Nakuha sa mga tulisan ang mga gamit ug cash sa mga mitabong sa seminar dayung sibat sakay sa usa ka motorsiklo.
Samtang human na report sa kapolisan ang insidente, dali nga nagpahigayon og hot pursuit operation ang Maramag Municipal Police Station.
Kini human makadawat og tawag, nga duha sa mga suspek ang namonitor nga misakay sa usa ka habal habal sa usa sa mga lugar sa area.
Didto na nahitabo ang pag-ginokoray batok sa mga suspek apan pag-abot sa usa ka area, gibilin sa mga suspetsado ang bag nga gigamit aron sudlan sa mga items nga ilang nakuha gikan sa mga biktima, ug midagan padulong sa bukirang bahin.
Narekober sa kapolisan ang mga items ug mga cash nga nakatakdang i-turn over sa mga tag-iya.
