Indi kumbensido ang Department of Energy nga dapat na nga magpasaka sang pamasahe ang mga pampubliko nga salakyan bangud sa pagtaas sang presyo sang produktong petrolyo.
Paathag ni Department of Energy Assistant Secretary Leonido Pulido III, indi na anay dapat pagpataasan ang mga pamasahe base lamang sa TRAIN Law.
Gin-base nila ang posisyon sa presyo sang diesel sa tunga-tunga sang 2014 kag 2016 kon sa diin nagtimbuok ini sa 49 pesos apang wala man nagtaas ang presyo sang bugas kag pamasahe.
Ginpresentar man sang LAnd Transportation Franchising and Regulatory Board nga sang 2008, nagsaka man sa 52 pesos ang presyo sang diesel apang yara lang sa 8.50 ang pamasahe sa jeep.
Sa karon, padayon nga nagapakig-angut ang DOE sa mga oil company agud pasangkaron pa ang mga discount para sa public utility vehicles.
Madumduman nga sunod-sunod nga nag-pasaka sang petisyon nga magpasaka sang pamasahe ang jeep, grab, kag uber nga pagapamatian sang LTFRB sa masunod nga bulan.
