Sumala ni Dra. Annabelle Yumang, DOH 11 Regional Director, nga best practice na sa Davao City nga sulod sa sobra dekada walay firecracker related injuries.
Matud ni Yumang niadtong Disyembre 20,2022 hangtod Enero 4,2023 adunay siyam ka mga injuries tungod sa pagpabuto.
Nakaandam na ang Online National Electronic Injury Surveillance System (ONEISS) sa DOH 11 sa pagmonitor sa mga marekord nga firecracker related injuries sugod karong Disyembre 22,2023.
Hugot nga nanawagan si Yumang sa publiko para sa Ligtas Christmas sa Healthy Pilipinas dili magpabuto karong Yuletide Season.
Samtang dinhi sa Davao City hugot ang surveillance sa Davao City Police Office (DCPO) ug pagpatuman sa City Ordinance 060-02 kun Firecracker Ban diin bawal ang paggamit, pagpamaligya, pag-manufacture ug pag-distribute og mga pyrotechnic devices dinhi sa syudad.
Ilawom sa ordinansa ang mga first-time violators adunay multa nga P1,000 o 20 ngadto sa 30 diyas nga pagkapriso, second-time offenders adunay multang P3,000 o usa ngadto sa tulo ka bulan nga pagkapriso ug sa mga third-time violators adunay multang P5,000 o tulo ngadto sa unom ka bulang pagkapriso.
RadyoMaN Aimee Guinita
