Davao City- Giimbestigahan sa Deparment of Health Region 11 ang pagkamatay sa usa ka buntis ug ang wala pa natawo niini nga baby sa Malita District Hospital.
Gibutyag ni Dra. Annabelle Yumang, DOH 11 Regional Director, gihulat nila ang opisyal nga report gikan sa Provincial Health Office sa Davao Occidental may kalabutan sa insidente.
Matud ni Yumang, lantawon usab sa imbestigasyon ang sitwasyon sa maong balay tambalanan.
Gibutyag niini nga niadtong weekend, ginasubay na nila ang maong kaso ug gihulat karong semanaha ang report sa insidente aron muarangkada usab ang ilahang imbestigasyon.
Subay niini nanawagan si Yumang sa mga mamdos nga magpa-prenatal check-up aron masegurong luwas ang ilahang pagbuntis o mahibaw-an kung high-risk ba sila tungod sa mga balatian.
RadyoMaN Aimee Guinita
Facebook Comments
