Labi pa nga ginpabaskog sang Department of Health region 6 ang pag-monitor sa posible kaso sang novel corona virus sa rehiyon 6.
Suno kay Dr. Mary Jane Juanico, infectious disease cluster head sang DOH- Center for Health Development 6 nga gina-require ang tanan nga mga travelers nga mag-fill up sang health declaration card agud mahapos ma-trace ang ila ginhalinan kag pagakadtuan.
Ini matapos ginkumpirmar sang DOHh nga may isa ka positibo nga kaso sang novel corona virus sa pungsod.
Magluwas diri, ginapabaskog man sang ahensya ang containment ukon preventive measures para malikawan sang tagsa ka individual nga matapikan sang makamamatay nga coronavirus.
Hugot nga ginapanugyan sang DOH ang pagpanghugas sang maayo sang kamot , paggamit sang alcohol, pagtabon sang baba kag ilong kon magh-ubo kag manghatsing, kag maggamit sang face mask.
