DOH-6, NAGAPANAWAGAN SA MGA GINIKANAN NGA PABAKUNAHAN SANG ANTI-MEASLES ANG ILA MGA KABATAAN

18

Nagapanawagan karon ang Deparetment of Health Region 6 sa mga ginikanan nga pabakunahan ang ila mga kabataan sang anti-measles vaccine.

Ginhimo ni DOH-6 Director Dr. Marlyn Convocar ang panawagan kasunod sang pagdeklarar sang DOH nga may measles outbreak sa Western Visayas.

Suno kay Convocar nga obligasyon sang ginikanan nga pabakunahan ang ila kabataan bangud isa ini sa mga kinamatarung sang mga bata nga mahatagan sang maayong lawas.

Ginhingyo man ni Convocar ang mga katapo sang media kag mga buluthuan nga magbulig sa pagdessiminate sang impormasyon angut sa igapatuman nga immunization drive sang DOH.

Target sang ahensya nga ipatuman ang anti-measle immunization sa mga kabataan nga wala pa mabakunahan agud malikaw ang mga ini sa nasambit nga balatian.

Madumduman nga isa ang Western Visayas sa gindeklarar nga may measles outbreak kaupod sa NCR, Central Luzon, Region 4-A kag Central Visayas.

Facebook Comments