Naka-alerto na karon ang Department of Health Region 6 agud mapunggan ang pagsulod sa Western Visayas sang misteryoso nga sakit gikan sa pungsod China.
Ginpahayag ni DOH-6 Infectious Diseases Section head Mary Jane Juanico, naga-coordinate na sila sa Bureau of Quarantine agud bantayan sang hugot ang mga entry points sa rehiyon kasubong sang mga airports kag seaports.
Suno kay Juanico nga sa pagbantay, pagatutukan ang may mga hilanat kag may mga sintomas sang respiratory infections.
Subong man, gin-athag sang DOH nga sa karon , hilway pa ang rehiyon sa nasambit nga outbreak sa China nga may masobra na 40 ka mga kaso.
Ginpanugyan man sang DOH sa publiko nga ipabilin ang katinlo sa lawas kag masami nga magpanghugas sang kamot kag manabon kon mag-ubo agud indi maglapta ang respiratory infections.
Dugang pa sini nga dapat man mag-obserbar sag healthy lifestyle ang mga mga pumuluyo .
