Wala sang bag-o nga kaso sang COVID-19 sa Western Visayas.
Santu sa COVID-19 case bulletin no.19 sang Department of Health Region 6, lunsay nagnegatibo ang tatlo ka laboratory results.
Bangud sini, ginpahayag ni Dr. Ma. Sofia Pulmones sang DOH -6 nga nagapabilin sa gihapon sa 40 ang kabug-usan nga kaso sang COVID-19 sa Western Visayas sa diin 12 ang nagapabilin sa hospital, 14 ang naka-home quarantine, 7 ang napatay kag 7 ang naka-recover .
Sa pihak sini, ginpahayag ni Dr. Pulmones nga indi pa nila mahambal sa karon nga nagapanaug na ang kaso sang COVID-19 bangud wala pa nila makita sa data nga nalab-ot na ang peak level sang balatian.
Suno sa iya nga ang rason nga wala sang nalista nga bag-o nga kaso sa rehiyon amo ang manubo nga test results nga napaguwa sang sub-national reference laboratory sini nga adlaw, Abril 14.
