Nakaalerto ang Department of Health kasunod sang pag-ako sang manufacturer sang dengue vaccine nga mahimo makatuga sang halit ang vaccine sa mga wala pa nakaagi sang dengue.
Ini ang naggwa sa bag-o nga clinical analysis sa long term clinical trial data sa dengue vaccine nga Dengvaxia.
Suno sa Sanofi Pasteur makaamlig ang vaccine kun nakaagi na infect sang dengue ang recipient sang vaccine apang delikado naman ini kun wala nakaagi infect ang pasyente.
Sa idalum sang pamunuan ni anay DOH Sec. Janette Garin, ginhatagan snag vaccine ang 9-45 anyos sa National Capital Region, Region 3, and Region 4A.
Kabug-usan nga 491,990 ka syam ka tuig nga mga estudyante ang nabakunahan sa first phase sa idalum ni Garin samtang 415,681 ang napaidalum sa second phase sa idalum ni anay Health Sec. Paulyn Roselle Ubial.
RONEL L. SORBITO Station Manager RMN DYRI 774 Iloilo
