Kini subay sa datos sa Department of Health (DOH)-XI gikan Enero 1-28, 2023. Sa maong mga kaso, 204 niini gikan sa Davao City; Davao de Oro (247); Davao del Norte (217); Davao del Sur (12); Davao Occidental (154); ug Davao Oriental (54).
Sa maong mga kaso, sagad naigo ang mga nag-edad og 0-9 years old diin 52% niini mga lalaki. Hinuon, walay casualty, subay sa report sa DOH-XI.
Sa interbyu sa DXDC RMN Davao Riza Malazarte Mejares, Health Education & Promotion Officer I sa Davao de Oro Provincial Health Office (PHO), padayon nila karong gipakusgan ang information drive, surveillance ug monitoring kalabot sa HFMD.
Dugang niini, hugot usab ang ilang pag-monitor sa mga kaso ilabi na sa munisipalidad sa Laak nga nakatala og taas nga HFMD cases sa entero probinya.
“Miadto sila’g Laak, kay didto man taas gud (ang HFMD cases). Nag-surveillance sila. Naa silay gihatag nga tambal. Tapos, nag-educate unsay angay buhaton (batok HFMD),” segun ni Mejares.
Nasayrang aduna nay natalang HFMD cases sa Davao Region sugod tuig 2017. Niadtong 2022 adunay natalang 711 nga kaso sa HFMD sa rehiyon.
RadyoMaN Kirby Manzon
