Usa ka Dabawenyong si Yves, taga Matina, ang midayo sa maong probinsya aron mulaag og makasaksi sa display tungod na-miss usab niya nga makakita sa nasangpit apan dako gihapon kini’g pasalamat nga gibawal ang pabuto sa syudad aron malikayan ang mga di maayong insidente sama sa mga nawad-an og kamot tungod nabuthan.
Subay niini, anaa sa 15% ang giubos sa fireworks-related injuries sa pagsugat sa tuig 2023 dinhi sa Pilipinas.
Sumala ni Department of Health (DOH) OIC-Secretary Dr. Maria Rosario Vergeire atol sa media forum sa Baguio kagahapon, Domingo, anaa sa kapin 130 ang natala nga naangol tungod sa pabuto apan ang maong ihap mas ubos sa 2021 ug 46% ang giubos sa 5-year average period.
Hinuon walay gika-report nga namatay niini.
Samtang dinhi sa Davao Region, padayon pang ginasuta ang assessment sa tibuok rehiyon XI alang sa fireworks-related incidents ingon man indiscriminate firing.
RadyoMaN Renz Barbarona
