Kagahapong adlawa nagpahigayon ug media forum ang Department of Health (DOH) may kalabutan sa pag hatag ug update sa Iwas Paputok 2017.
Kahinumduman nga kusganon ang pagpangompanya sa maong departamento nga maglikay sa illegal nga pabuto tungod sa dili maayong epekto niini. Nga kung diin matod pa sa DOH nga mas maayo nga mga fireworks ang gamiton sa pagsugat sa bag-ong tuig.
Dako usab ang pagpasalamat sa DOH nga walay natala nga mga casualties dinhi sa Zamboanga del norte sa pagsugat sa pab-ong tuig dili palang dugay.
Lakip nga gipasalamatan ang mga media personality nga mitabang sa kampanya ug paghatag ug impormasyon ngadto sa yanong mga katawhan.
Sa laing bahin ubay-ubay usab ang programang nakalatag karon sa DOH nga ilang buot ipaabot sa katawhan sama sa umaabot nga Goiter week karong katapusan sa bulan sa enero lakip na ang bag-ohay pa lang nga nahuman nga deworming month.
Naghatag usab sila ug mga impormasyon sa mga taga media nga motabang sa pagpa abot ngadto sa katawhan sama sa paglikay sa Litospirosis nga makuha ang maong sakit sa mga kontaminadong tubig.
Gipasabot usab nila ang kontrobesyal nga dengue immunization may kalabot sa Dengvaxia Vaccine, hangtod karon wala pa gihapon nahupay ang kabalaka sa mga katawhan.
Gibutyag pa sa DOH aron malikay ang katawhan sa dengue kinahanglan nga kanunayng maglimpyo sa palibot para malikay sa maong sakit.
