Gawas sa mga pahinumdom nga angayang likayan ang pagpabuto karong Bag-ong Tuig, gipahimangnoan usab ang publiko nga maghinay-hinay lang sa pag-inom og alkohol o ilimnong makahubog.
Kahinumdoman nga una nang gibutyag ni Health Secretary Teodoro Herbosa sa senado nga usa sa mga nag-unang public safety concerns matag holiday season mao ang nagataas nga ihap sa aksidente sa motorsiklo tungod sa pag-drive bisan pa man og nakainom.
Gituki sab ni Senate Committee on Health and Demography Chairman Senator Christopher “Bong” Go ang kamahinungdanon sa pagkaresponsable panahon sa mga selebrasyon.
Gihangyo sa senador ang publiko nga maminaw sa Department of Health (DOH) nga kung hubog na, magpuyo nalang ug magpahuway aron luwas ang kaugalingon gikan sa disgrasya.
RadyoMaN Ivy Parido
Facebook Comments
