Ginpaidalum na sa “code white” alert ang 12 ka government-run hospitals sa probinsya sang Iloilo halin sang Lunes tubtob sa Noviembre 2 bilang kabahin sa pagpanghanda sa pag-obserbar sang All Saints’ kag All Souls’ Day.
Ginpahayag ni Dr. Ma. Socorro Colmenares-Quiñon, Provincial Health Office I, may direktiba na sa tanan nga ospital nga mangin handa agud makahatag sila sang madasig nga medical response sa tion nga kinahanglanon.
“Our personnel, even if they are off-duty, should be on standby in case that there will be influx of patients and there is a need for augmentation,” ang pahayag ni Quiñon.
Nagpahanumdom man ang Provincial heal Office nga mangin mahinalungon sa mga pagkaon nga ginkaon subong nga fiesta minatay.
Magbalon sang payong, tubig kag mga pagkaon nga indi dali mapan-os.
Sa mga may maintenance medication, nagpanugyan man si Quiñon nga mangin mahinalungon sa pagkadto sa patyo ilabi na kon mainit ang tiempo kag indi pagalimtan ang bulong.
“Make sure that the food we bring are safe. Those who prepare the food should ensure that they have clean hands to avoid contamination of the food,” ang pahayag ni Dr. Quiñon.
RMN File Photo
